नाही खर्चीली कवडी दमडी
नाही वेचला दाम
विकत घेतला श्याम
बाई मी विकत घेतला श्याम
बाई मी विकत घेतला श्याम
कुणी म्हणे ही असेल चोरी
कुणा वाटते असे उधारी
कुणी म्हणे ही असेल चोरी
कुणा वाटते असे उधारी
जन्मभरीच्या श्वासाइतुके
मोजियले हरिनाम
मोजियले हरिनाम
विकत घेतला श्याम
बाई मी विकत घेतला श्याम
बाळ गुराखी यमुनेवरचा
गुलाम काळा संता घरचा
बाळ गुराखी यमुनेवरचा
गुलाम काळा संता घरचा
हाच तुक्याचा विठ्ठल आणि
दासाचा श्रीराम
दासाचा श्रीराम
विकत घेतला श्याम
बाई मी विकत घेतला श्याम
जितुके मालक, तितकी नावे
जितुके मालक, तितकी नावे
हृदये तितकी याची गावे
कुणी न ओळखी तरीही याला
दीन अनाथ अनाम
दीन अनाथ अनाम
विकत घेतला श्याम
बाई मी विकत घेतला श्याम
