तु अंबरात ही भासा परी
तु अंतरात ही श्वासा परी
मौनात स्वर तुझा रेंगाळतो
एकांत तुझा सवे झंकारतो
ऐकावी वाटते स्पर्शातली कविता पुन्हा-पुन्हा
ऐकावी वाटते स्पर्शातली कविता पुन्हा-पुन्हा
चाहूल तुझी बहाराची, हिरव्या ऋतुची, सर पावसाची
कधी तु धग चांदण्याची, एका क्षणाची तरीही युगांची
प्राजक्त फिरतो जसा
सहवास तुझा हा कसा
शब्दात सांगता न ये
हा क्षण दरवळी असा
ऐकावी वाटते स्पर्शातली कविता पुन्हा-पुन्हा
ऐकावी वाटते स्पर्शातली कविता पुन्हा-पुन्हा
बेधुंद आसमंत सारा बेभान वारा, गहिरा इशारा
एकाच लाटे साठी जणू आतुर झाला अवघा किनारा
कितीही भेटलो तरी
भेटावे वाटते पुन्हा
अशी का ओढ लागते?
का होते असे सांगना?
ऐकावी वाटते स्पर्शातली कविता पुन्हा-पुन्हा
ऐकावी वाटते स्पर्शातली कविता पुन्हा-पुन्हा
